لاصقر قمبيري

--يقول الشاعر =حويل سعد عبد الرسول العوامي:-----

لاصقر قَمْبَيْرِى قَوِى مَقْحَاشَا=ولا سَرجْ بَيْضَا باللبَبْ خَاوَاشَا
لاصقر قمبيرى أحدود الغايا=ولا سرج بيضا بالّبب حمَّايا
ولا أعشار متقلوج أخشوش لُوايَا=ولانزل في عز الربيع غواشا
يحوشن أَرْغَاثه والقلوب هنايا=لاسو طارى لاكشَيشْ أحناشا
إيجنك أجلاده بالخطام شلايا=ماهن أمغير أخْليْطَات شَبَاشَا
إيجنك أذواده زاحمات روايا=من ضَفْ الشقَارا غاية الْملاَّشَا
أحدود ماتريدألها بو قطَّايا=أنزوّم إيجيه الحشو داير داشا
على طول عمرا ما عرف تَدْنَايَا=أتقول عبد شارب من أشْيَشْ حَشَّاشا
من طيب وطن متْخَابلْ أتقول وَسَايَا=نُوّار طَفَشْ كي سَفْوَة جديد أفراشا
من دور مزن طالع من كريم هدايا=أخشوما تراجف من قوى رمَّاشَا
أمْخلَّفْ نباتا عَزْ ما في الغايا=تَرْفَاسهْ أمْصَلَّعْ كايد الْحشَّاشَا
ألّى م الجرير وريح ديما أرْقَايَا=ولاعند راس الدَّيْر هو وهَاشَا
عطية رب ماوالي شريك أمعانا=أبشِيْحَا على جَلَّه على جَرْمَاشَا
من غربا حمادة ومن إسار حطايا=أنجيته أتوقك نارنا لَمَّاشَا
قديمين هَلْ بقعة وصوت أقْرَايا=وأصحاب دين ما تَلْفَى عليه غَبَاشَا
كلام حق ما طقَّا ولاتخطايا=عقار جد من قبلن إينوظ الباشا
وانجانا الضايف نَحضرُوا جَرَّايا=والعايب أنردوا وين جا إيتراشا
وانجانا الطامع سلّم العطّايا=ألِّى له إيبانوا وين لاح معاشا
أمعا كل دوله وشيخ زوايا=مفهوم حقنا مَانَا عرب طبَّاشا
أخدود من ضنا العوام مَيْ سهرايا=أنعودوا على الزُّبير موش أرباشا
لادار تزويرا ولاتتكايــــــــــــــا=لنّا وطن من قبل الخلايق ناشا
على رمتى نشهد أبها الحكايا=ما أنريد نوتغها وهى دَبَّاشا
لاقبل لاتالى أنريد أحمايــــــا=على ما خلق ربى عرب أتماشا
*********=***********
*رد الشاعر =عبد الله الصادق رحيل العوامي:-
لا خماس أتســــــــلِّــــــــــــــــــــــــي =ولاصقرطايب ياحويل أتجلي
ولا شول عاطف فالقدور إيملي =إيحوش وين ماجلا الليل غباشا
فيه المظلم بو سناما هلــــــــــي=أنزوم إيجيه أعشارها إيتحَاشَا
أمراح المقيطن ما عليه أتولِّي=أتريد الرقايا نيبها حَرْكَاشَا
وحتي الراعي في المراح أتخلي=أنحقت سحاب ألْجُلُوتَا أتراشا
تكسر الصيف وحشوها متعلِّـي=ربيع الصحاري فيه مي عطَّاشا
أمعاها أنجيبوا في غزال أرْيلِّي=هميل في عقاير وطنا وحْرَاشَا
لحم طبيعي من أقناص محلي =ما هو دجاج أتقول روس أحناشا
ونتو أكبرتوا والشباب أمخلي=سريبها أبمسكن ضاويين أفلاشا
قالوا تعِيبا ما أبشَيْ أدلِّــــــي=أنريدوا مشاهد ننظروا ع الشَّاشَا
ونتي أتذُوحِي في الهناه أتقلِّي+أتريدي عَفَا منبوت دير هشاشا
في قبلتك مفهوم ونت أتصلِّي=وين صيَّما بارق زعاب رشاشا
ديما أدوري فَلَبْساطْ أتْكلِّـي =ألِّي صاحبك فوقك إيشيل أقشاشا
أمغير تتعبي يا ناب ليش أتهلِّـي=نبو وضايف ناخذوا لِعَاشَا
علينا أتعابك ما أتريد أتخلي =في بر خالي واجدات أوْحَاشَا
مالك نتيجة كسبتك بَرْقَـلِّي=أبقيتي غنيما عز للرباشا
لا صقر قمبيري قوي مقحاشا=ولا سرج بيضا باللبب خاواشا
&&&&&&&=&&&&&&&
لاصقر طايب ع الحباري جايح=ولا سرج بيضا بالحلاس أتفايح
ولا عشار شامس ع العقاير مايح=ولا أتقول كانن نازلات غواشا
أصحاب النقابا هَلْ أوجوه سمايح=ركَّـابة جُوايد للحْـثِي طَرْطَاشَا
زينين ماهم من أنذال قبايح=ما يظلموا لاهم ألِّي طَبَّاشَا
إيعدوا أللوما والدموم سبايح=ما يختشُوا ظالم أنصار ألْطَاشَا
ما هم من ألي بالضلال وقايح=ألي يفتنوا بين العرب حرَّاشا
ألي نذل ديما هل وجوه كلايح=مالهم أمانة يسرقوا دَوْغَاشَا
لاصقر قمبيري قوي مقحاشا=ولا سرج بيضا باللبب خواشا
&&&&&&&=&&&&&&&
لا صقر متعلِّي علي حوزاتا=ولا كوت قارح جِيدْ بَرْكَابَاتَا
ولا عشار يَجظَّع بعد مَدَّاتا=مع كل دير إيبان دوب خراشا
ولا عاد إيجيك أمْطَقَماتْ بَتَاتَا=ولا حَرَّا للغْطِــــــــــي نَقْرَاشَــــــــا
ولا عاد أسياد أمعاه في دعكاتا=يا بو سعد وقتاً أمعاه تلاشــــــا
ولا بلغرب يسقيه في عطشاتا=ما عاد يَمْلَي بالشراب أبْرَاشَا
ولِّي كان مدلل مع رفقاتا=باقي كبير وجايتا نطراشا
الدهر يتقلب هكذي عاداتا=حتي لو طهق زرعا أيطيب ألْوَاشَا
لا صقر قمبيري قوي مقحاشا=ولا سرج بيضا باللبب خاواشا
&&&&&&&=&&&&&&
لا سرج بيضا بالدلال أتزود=ولاأشبوب بدري يا قريب أتروُّد
ولا لَقَحْ خِيْرَا ع الْهَبَاكْ أمْهَوُّدْ=إيجظَّن حَوَارِينَا مَعَا النَّحْوَاشَا
موطن أجدودك ماعليه أتحود=أمعاها عَصَارَي للعَفَا طَاقَاشَا
لاصقر قمبيري قوي مقحاشا =ولا سرج بيضا باللبب خاواشا
لاصقر قمبيري غريم حباري =ولا ثلب يَدْقَدَقْ وجَولْ بَكَارِي
من وادي مسوس الْقبلة الجراري=عقار جَدْ بترابا عليْ قَشْوَاشَا
جميع العقاير كلها وقـَعَارِي=ولا ألْحاجة غيرنا لَوَّاشـَــــــا
صادق كلامي ماعليه أنذاري=عَوَامَة ع التاكيد ما أنتناشا
لنا قديما م الكريم الباري=ما هي أشحاتا من عرب كركاشا
علي ما أسمعنا من أكبار سهاري=كلامهم نقي ما فيه شي وَغْوَاشَا
ولا معا أي واحد في الحبال أنجاري=ولا بشي ترَّثْ كلمة الشَوََّاشَا
ونختم كلامي بالصلاة أقرارى=ملاين عديدا بالشجر وَعْراشَا
ع الشافع محمد م العذاب الزاري=يمنع الومن حرقة الكوَّاشَا
&&&&&&=&&&&&&&
*رَدَّ الشاعر= حويل سعد عبد الرسول مرة أخري وقال :-
نلقنها هي الغاية=حوشتا عقاب الليل في التجلايا
يا بو الحاج أتجي أتقول روايا=ساعة كظمها ع المراح دهاشا
لها ثلب موحش ساعة أتْعَرْوَايَا=ألها وين زَوَّمْ كلها أتْرَاشـَا
أتقول بكم تساقط علي البرقايا=بلا هيث جرا عندها نطباشا
عرقها مع البيطان سال هتايا=ويجيك روح منها ساعة النكشاشا
وهي نجعها نازل أحدود أمنايا=غربي بالْعَمَدْ دار الربيع أمْدَاشَا
أخشوم مزن دالنا بعد تغفايا=أبْسَوْقَا وَرَا سَوْقَا أتجي قَشْقَاشَا
ليام كان عاننك أمعاهن غاية=ونكان برمنلك ريحهن لطاشا
لا صقر طايب رايد الـتجلايا =ولا سرج بيضا للحْثِي طرطاشا
أيام يا أعبُودَا حال حال جنايا=أمعيشة كدا والعظم شاط أمشاشا
ماأتقول كنا و لا أنقولوا هَايَا=أنعاود مثيل الطير ع الريَّاشَا
أنريد عفو منا وطال طال رجايا=ألَّي أنجوه في يوم الحساب عطاشا
لا صقر قمبيري قوي مقحاشا=ولا سرج بيضا باللبب خاواشا
&&&&&&&&&&&&&
الراوي=حمزةعبدالرسول العوامي

تحياتي
انشالله تنال اعجابكم